هي دي مسلمة واللا إيه.........؟!!

علي فكرة في الأول بقول إن أنا مسلم وعارف كويس قوي وفاهم أنا موجود في الدنيا دي أعمل إيه .... بس الغريب إن بلاقي ناس بحس إنهم مش عارفين هما موجودين ليه . لما بأمشي في الشوارع أو في وسط الجامعة بلاقي مناظر عجيبة بلاقي بنات عاريات قصدي كاسيات عاريات ومش فاهم هما لابسين كده ليه , هو علشان الموضة كده....؟! واللا الممثلة فلانة لابسة كده ...؟! مش عارف ...؟!
بس أرجع وأقول إحنا ربنا خلقنا ليه..؟!
والجواب هو علشان إحنا خلائف الله في الأرض ....... وعلشان نعبده "وما خلقت الجن والإنس إلا ليعبدون..." طيب إنتي خليفة ربنا في الأرض باللي إنتي عاملاه في نفسك ...؟! طيب بلاش نتكلم عن النقطة دي .... هو إنتي بتبقي فرحانة لما تلبسي شفاف وضيق كمان ..!! هل إنتي كده فرحانة وبنات الغرب والغرب كله بيبصوا عليكي ويشفوكي ويقولوا أدي بنت الإسلام وأدب الإسلام.
لا والله ما هو ده الإسلام ...... أبدا إسلامك في عفتك وطهارتك ونقاء قلبك وإخلاصك لربك ....... إسلامك في إلتزامك وحجابك اللي هو سر جمالك وبعدين مش أنا اللي بقول الكلام ده , ده كلام ربنا "قل للمؤمنات يغضضن من أبصارهن ويحفظن فروجهن وليضربن بخمورهن علي جيوبهن ولا يبدين زينتهن....."
طب مش عايزة تتخمري إلبسي تحجيبة ولبس فضفاض واسع يسترك علشان ربنا يرحمك واللا إنتي ناسية إن الموت بيجي فاجأة وبدون إنذار .... هل إنتي مستعده له...؟!!!
مهما تكن إجابتك إبدأي وحاول توبي وتستعدي للموت وخللي بالك إن إنتي صورة للبنت والمرأة المسلمة ..... حجابك هو نور حياتك ..... وربنا يوفقك .